“Azərreyl” voleybol klubu bu gün “Çelenc Cup” turnirində növbəti görüşü keçirəcək. Apasport.az saytının məlumatına görə, komandamız doğma divarlar arasında Yunanıstanın “Markopoulo” klubunu qəbul edəcək.

II təsnifat mərhələsinin ilk görüşündə qələbə “Azərreyl” üçün əlamətdar olacaq. Belə ki, Avropa kuboklarında indiyə kimi 72 oyun keçirən “dəmiryolçular” bu görüşlərdən 40-da rəqiblərini məğlub edib. Onlar 41-ci dəfə qalib gələcəkləri halda, komandanın yubiley – 150-ci setini qazanacaqlar.

Bu isə “Azərreyl” üçün heç də asan başa gəlməyəcək. Çünki Azərbaycan və Yunanıstan klubları 2 dəfə qarşılaşıblar ki, bunlarında hər ikisində rəqib 3:0 hesabı ilə qələbə qazanıb. Lakin heyəti güclü voleybolçulardan qurulan “Azərreyl” bu tilsimi qırmağa çalışacaq.

Qeyd edək ki, “Azərreyl” - “Markopoulo” oyunu saat 18:00-da “Sərhədçi” Olimpiya Mərkəzində başlayacaq.

“Azərreyl”in bütün oyunları

	O	Q	M	S
Çempionlar Liqası	52	27	25	97-95
Top komandalar kuboku	10	8	2	28-11
CEV kuboku	6	2	4	12-14
Çelenc Cup	4	3	1	10-5
CƏMİ	72	40	32	147-125

Tahir HÜMMƏTOV

• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar
• "Gəncə"də ayrılıq
• "Azərreyl" heyətini Kolumbiya millisinin üzvü ilə gücləndirib
• Azərbaycan klubundan 6 transfer