Qadın voleybolçular arasında Çempionlar Liqasının III turunun oyunları keçirilib. Apasport.az saytının məlumatına görə, “Rabitə” ilə E qrupunda yer alan İtaliya “Skavolini”si Rumıniyanın “Dinamo-Romprest” klubunu qəbul edib.

Oyun gözlənildiyi kimi, Apennin təmsilçisinin qələbəsi ilə yekunlaşıb. Rəqibini “quru hesab”la (25:22, 25:19, 25:15) məğlub edən italiyalılar aktivinə 3 xal yazaraq, 5 xalla turnir cədvəlində yenidən II pilləyə yüksəliblər.

Xatırladaq ki, keçirdiyi hər 2 görüşdə qələbə qazanan “Rabitə” 6 xalla qrupun vahid lideridir. Super Liqanın qalibinin bu gün qarşılaşacağı “Aluprof” 3, “Dinamo-Romprest” isə 1 xala malikdir.

• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar
• "Gəncə"də ayrılıq
• "Azərreyl" heyətini Kolumbiya millisinin üzvü ilə gücləndirib
• Azərbaycan klubundan 6 transfer