Voleybol üzrə qadınlardan ibarət Türkiyə yığmasını Nedim Özbey çalışdıra bilər. Apasport.az saytının məlumatına görə, Avro-2011-in final mərhələsində Azərbaycan millisi ilə eyni qrupda yer alan “ay-ulduzlular”ın yeni baş məşqçisinin adı ilin sonuna kimi açıqlanacaq.

Türkiyəli həmkarlarımız Mehmet Bedestenlioğlunun komandadan kənarlaşdırılmasından sonra boş qalan postu Özbeyin tutacağını qeyd ediblər. Kişilərdən ibarət “İstanbul Böyükşəhər Bələdiyyəsi” ilə Super Liqanın qalibi olan mütəxəssislə danışıqların yekunlaşdığı və bu səbəbdən də çalışdırıcının Çempionlar Liqasında “Fənərbaxça” – “Dinamo” (Rusiya) matçını izlədiyi bildirilir.

Qeyd edək ki, Özbey Türkiyənin kişilərdən ibarət milli komandasını çalışdırıb.

• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar
• "Gəncə"də ayrılıq
• "Azərreyl" heyətini Kolumbiya millisinin üzvü ilə gücləndirib
• Azərbaycan klubundan 6 transfer