“İtaliya çempionu ilə görüş heç də həlledici oyun deyil. Qarşıda hələ 1 tur var”. Apasport.az saytının məlumatına görə, bu sözləri Bakının “Rabitə” voleybol klubunun baş məşqçisi Dejan Brdjoviç deyib.

Bu gün Çempionlar Liqasının V turunda Azərbaycan çempionu İtaliya “Skavolini”sinin qonağı olacaq. Serbiyalı mütəxəssis bildirib ki, bu matçı digərlərindən fərqləndirmək heç də düzgün deyil: “Görüşün çətin keçəcəyini bilirik. Amma biz digər oyunlarda olduğu kimi bu dəfə də meydana qələbə üçün çıxacağıq. Fikrimcə, pley-off mərhələsinə yüksəlməyimizdə heç bir problem olmayacaq və uğurla irəliləyəcəyik”.

Qeyd edək ki, “Skavolini” – “Rabitə” oyunu saat 21:00-da başlayacaq.

• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"
• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar
• "Gəncə"də ayrılıq
• "Azərreyl" heyətini Kolumbiya millisinin üzvü ilə gücləndirib