Bakının “İqtisadçı” voleybol klubu “Çelenc Cup” turnirinin 1/4 final mərhələsində yenicə transfer etdiyi İliyana Duqandziçin xidmətindən yararlana biləcək. Apasport.az saytının məlumatına görə, sabah Çexiyanın “Kralovo Pole” komandasını qəbul edəcək universitet komandası son anda Xorvatiya yığmasının üzvünün adını sifariş ərizəsinə daxil edə bilib.

Lakin 30 yaşlı Duqandziçin ilk “altılıqda” meydana çıxacağı inandırıcı görünmür. Çünki “İqtisadçı”nın kifayət qədər oturuşmuş heyəti var.

Qeyd edək ki, “İqtisadçı” İliyana ilə bərabər, Yaima Ortis Çarronu transfer etsə də, Kuba yığmasının üzvü komandaya yalnız Super Liqada kömək edə biləcək. Çünki o, “Omiçka”nın heyətində “Çelenc Cup”da mübarizə aparıb.

• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"
• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar
• "Gəncə"də ayrılıq