“Qarşılaşma super alındı. Lakin biz sonda üstünlüyümüzü qoruya bilmədik”. Apasport.az saytının məlumatına görə, bu sözləri Finlandiyanın “Salo” komandasının baş məşqçisi Tomi Lemminkaynen deyib.

40 yaşlı mütəxəssis “Çelenc Cup” turnirinin 1/4 final mərhələsinin ilk oyununda Bakının “Azərreyl” klubuna 2:3 hesablı məğlubiyyətin səbəblərini açıqlayıb: “Biz hesabda irəlidə ola-ola, son 2 setdə asanlıqla uduzduq. Həmin hissələrdə Virdjiniya De Karneyə lazımı dəstək verilmədi. Bunun da nəticəsində hücumlarımızın kəsəri azaldı. Məğlubiyyətlə işimizi çətinə saldıq. Çünki cavab oyununda mütləq qələbə qazanmalıyıq ki, “Qızıl set”ə ümid edək. Növbəti mərhələyə yüksəlmək üçün bunun öhdəsindən gəlməyə çalışacağıq”.

• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"
• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar
• "Gəncə"də ayrılıq