“Azərreyl” voleybol klubu bu gün “Çelenc Cup” turnirində növbəti oyununu keçirəcək. Apasport.az saytının məlumatına görə, ölkəmizin ən titullu komandası 1/4 final mərhələsinin cavab matçında Finlandiya təmsilçisi “Salo”nu qəbul edəcək.

“Suomilər”ə ilk matçda qalib gəlməklə, “Çelenc Cup”da 10-cu qələbəsini qazanan “Azərreyl” üçün bu qarşılaşma da əlamətdar olacaq. Belə ki, 2001/2002-ci illər mövsümündə qitə miqyaslı yarışlarda debüt edən komandamızın “Salo” ilə ikinci dueli Avrokuboklarda 80-ci matçı olacaq. “Azərreyl”in oyunlarının çoxu – 65,8 faizi Çempionlar Liqasına təsadüf edib. Onlar indiyə kimi keçirdikləri 79 görüşün 47-də qələbə qazanıb, 32-də isə məğlub olublar.

Xatırladaq ki, “dəmiryolçular” “Top komandalar” kubokunun sahibi olmaqla yanaşı, Çempionlar Liqasında “Dördlər finalı”na yüksəlməyi bacarıb.

Yarışın adı	O	Q	M	S
Çempionlar Liqası	52	27	25	97-95
Top komandalar kuboku	10	8	2	28-11
CEV kuboku	6	2	4	12-14
Çelenc Cup	11	10	1	31-7
CƏMİ	79	47	32	168-127

• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"
• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar
• "Gəncə"də ayrılıq