Qadın voleybolçular arasında Azərbaycan Super Liqasının pley-off mərhələsinin ilk görüşlərinin keçirilmə tarixi dəqiqləşib. Apasport.az saytının məlumatına görə, həlledici oyunlar martın 11-də baş tutacaq.

Günün ilk matçında “Lokomotiv” “Bakı”nı sınağa çəkəcək. Qarşılaşma saat 16:00-da başlayacaq. Bu dueldən 2 saat sonra meydan “Azərreyl” – “Şirvan” komandalarının ixtiyarına veriləcək. Növbəti mərhələyə yüksələcək klub isə 2 qələbədən sonra müəyyənləşəcək.

İkinci matçların keçirilmə tarixi “Çelenc Cup” turnirinin yarımfinal görüşlərinin nəticəsindən asılı olacaq.

Qeyd edək ki, Super Liqanın II dövrəsindən sonra ilk 2 yerdə qərarlaşan “Rabitə” və “İqtisadçı” final mərhələsində rəqiblərini gözləyirlər.

• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"
• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar
• "Gəncə"də ayrılıq