Qadın voleybolçular arasında Azərbaycan Super Liqasının pley-off mərhələsinin II görüşlərinin keçirilmə tarixi dəqiqləşib. Apasport.az saytının məlumatına görə, turnir cədvəlində 3-6-cı yerləri tutan komandalar növbəti dəfə martın 24-də bir daha üz-üzə gələcəklər.

Meydan öncə “Şirvan” - “Azərreyl” cütünün ixtiyarına veriləcək. Onlardan sonra isə “Bakı” – “Lokomotiv” görüşü baş tutacaq.

İlk matçlarda 3:0 hesabı ilə qələbə qazanan “Azərreyl” və “Lokomotiv” eyni uğuru təkrarlayacaqları halda, final mərhələsinə yüksələcəklər. Burada isə onları “Rabitə” və “İqtisadçı” gözləyir.

Qeyd edək ki, son mərhələyə 2 qələbə qazanan komandalar vəsiqə qazanırlar. Əgər martın 24-də olacaq oyunlarda “Şirvan” və “Bakı” revanş edə bilsələr, komandalar III dəfə qarşılaşacaqlar. Bu oyunların isə martın 26-sı və ya 27-də keçirilməsi nəzərdə tutulub.

• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"
• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar
• "Gəncə"də ayrılıq