Qadın voleybolçular arasında “Çelenc Cup” turnirinin yarımfinal mərhələsinin cavab oyunlarını idarə edəcək hakimlərin adları açıqlanıb. Apasport.az saytının məlumatına görə, martın 19-da Rusiyaya səfər edəcək Bakının “Azərreyl” klubunun “Uraloçka” ilə görüşünə hollandiyalı ədalət təmsilçisi Yakobus Nederhud təyinat alıb. Ona bu görüşdə köməklik etmək Roberto Borisə (İtaliya) tapşırılıb.

Bu matçdan 1 gün sonra baş tutacaq “Lokomotiv” – “İqtisadçı” görüşündə əsas fit sahibi Katarjina Sokol (Polşa) olacaq. II hakim funksiyasını isə eston Marqus Kapp yerinə yetirəcək.

Qeyd edək ki, ilk matçlarda “Azərreyl” 3:2, “Lokomotiv” 3:0 hesabı ilə qələbə qazanıb.

• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"
• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar
• "Gəncə"də ayrılıq