Rusiya milli komandasının aparıcı voleybolçusu Yekaterina Qamova karyerasını Azərbaycanda davam etdirə bilər. Apasport.az saytının Türkiyə mətbuatına istinadən məlumatına görə, növbəti mövsüm üçün Bakının aparıcı klubları 2 qat dünya çempionunu heyətində görmək arzusundadırlar.

Belə ki, hazırda Kazan “Dinamo”sunun şərəfini qoruyan Qamova bir çox komandaların diqqət mərkəzindədir. Türkiyəli həmkarlarımızın yazdıqlarına görə, dünyanın ən hündürboylu voleybolçularından biri olan Yekaterina “Fənərbaxça”, “Zariçye Odintsovo”, “Dinamo” (Krasnodar) və Azərbaycanın aparıcı klublarının təkliflərini nəzərdən keçirir. Hətta onun yeni mövsümdə transfer qiymətinin dünyada yeni rekord qıracağı da bildirilir.

Qeyd edək ki, Qamovanın öz klubunda qalması da istisna edilmir.

• Azərbaycan çempionatı: I dövrənin cütləri müəyyənləşib
• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"
• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar