Həndbol üzrə gənc oğlanlardan ibarət Azərbaycan milli komandası Gürcüstan Super Liqasının II dövrəsində oyunlarını başa vurub. Apasport.az saytının məlumatına görə, ilk dövrədən fərqli, bu dəfə Hikmət Abdullayevin yetirmələri cəmi 1 görüşdə xal itkisi ilə üzləşiblər.

Belə ki, I matçda “Kutaisi”yə 31:26 hesabı ilə qalib gələn həndbolçularımız növbəti oyunda “Batumi”ni 39:24 hesabı ilə məğlub ediblər. Lakin III oyun günündə həmyerlilərimiz son Gürcüstan çempionu “Tbilisi”yə 2 top fərqi ilə uduzublar – 35:37.

Növbəti 2 turda isə milli komandamız Gürcüstanın gənclər yığmasını 30:21, ardınca isə “Universitet”i 35:26 hesabı ilə məğlub edib. Beləliklə, 2 dövrədən sonra Hikmət Abdullayevin yetirmələri müsabiqədən kənar iştirak etdikləri çempionatda turnir cədvəlində 2-ci yerdə mövqelərini möhkəmlədiblər. Son oyunlar isə mayın 2-6-da keçiriləcək.

Xatırladaq ki, yığmamız ilk dövrədə “Tbilisi”yə uduzduğu halda, “Batumi” ilə heç-heçə etmişdi.

• Azərbaycan çempionatı: I dövrənin cütləri müəyyənləşib
• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"
• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar