Bakının “Sərhədçi” voleybol klubuna yeni məşqçi cəlb ediləcək. Bu barədə apasport.az saytına məlumatı son Azərbaycan çempionunun baş məşqçisi Oqtay Musayev verib.

Onun sözlərinə görə, sabah “Sərhədçi”nin Avrokuboklarda iştirak edib-etməyəcəyi dəqiqləşəcək: “Mən qadınlar arasında Super Liqanın oyunları ilə bağlı Bakıda olmadığımdan rəhbərliklə sabah görüşüm olacaq. Burada artıq hər şey dəqiqləşəcək. Komandaya cəlb ediləcək məşqçi və voleybolçularla bağlı siyahım da hazırdır. Danışıqlarım olub. Milli komandada birgə işlədiyim Nikolay Miroşniçenko yenidən Azərbaycana gələcək. Belarusdan olan mütəxəssis hazırda Rusiyada çalışır və tanıdığı 3 voleybolçunu da “Sərhədçi”yə gətirəcək. Fikrimcə, sabah danışıqlardan sonra bütün məsələlər öz həllini tapacaq”.

• Azərbaycan çempionatı: I dövrənin cütləri müəyyənləşib
• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"
• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar