Voleybolçu qızlardan ibarət Azərbaycan yığması Belçikada keçirilən beynəlxalq turnirin II günü uğursuzluqla üzləşib. Apasport.az saytının məlumatına görə, Çexiya və Norveç milli komandalarını məğlub edən Feliks Məmmədovun yetirmələri ardınca keçirdikləri hər 2 oyunda uduzublar.

Belə ki, Polşa voleybolçuları ilə baş tutan matç təmsilçilərimizin qələbəsi ilə başlayıb. Lakin ilk setdə qələbə qazanan yığmamız bunun ardını gətirə bilməyib və yekunda 1:3 (25:20, 20:25, 22:25, 18:25) hesabı ilə uduzub.

Hollandiya millisi ilə qarşılaşma isə rəqibin tam üstünlüyü şəraitində keçib və yekunda Feliks Məmmədovun yetirmələri 0:3 hesabı ilə uduzublar.

Qeyd edək ki, yığmamız bu gün son matçına çıxacaq. Voleybolçularımı bürünc medallar uğurunda belaruslu həmkarlarını sınağa çəkəcəklər.

• Azərbaycan çempionatı: I dövrənin cütləri müəyyənləşib
• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"
• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar