Futzal üzrə Naxçıvanın “Araz” klubu yeni rekord müəyyənləşdirib. Apasport.az saytının məlumatına görə, Joze Alessio da Silvanın yetirmələri klubun ölkə çempionatlarında ən böyük hesablı səfər qələbəsini qazanıb. Naxçıvanlılar ölkə çempionatının XVII turunun “Azecolab”la oyununda 40:1 hesabı ilə qalib gəlib. Bu, “Araz”ın ölkə çempionatının oyunlarında 40 dəqiqəyə 40 qol vurduğu ilk səfər qarşılaşmasıdır. Naxçıvanlılar elə bu komandanı ötən ay öz meydanında 54:4 hesabı ilə məğlub etmişdi.

Turun digər matçlarında isə “Azmetko” “Qarabağ veteranları”nı 3:2 hesabı ilə udubsa, “Ekol” – “Neftçi” İSM-ə 0:2 hesabı ilə uduzub. Öz rekordunu müəyyənləşdirən “Araz”da məhz “Ekol”un Azərbaycan rekorduna çata bilməyib.

Belə ki, “Araz”a kimi 2 dəfə ölkə çempionatında 40 və daha çox qol vuran olmuşdu. 2009/10 mövsümünün 2009-cu il noyabrın 30-da keçirilən 10-cu turunda “Ekol” “Abşeron”u darmadağın etmişdi – 57:0. 2007/08 mövsümündə isə TT “Futbol+” qəzetinin komandasını 40:0 hesabı ilə üstələmişdi.

• Azərbaycan çempionatı: I dövrənin cütləri müəyyənləşib
• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"
• "Misli"dən voleybola böyük dəstək – AVF ilə müqavilə imzalandı
• “Azerreyl” klubunun üzvləri Fransaya yollanıblar