Qadın voleybolçular arasında London-2012-yə lisenziya verəcək qitələrarası təsnifat yarışına ev sahibliyi edəcək ölkənin adı açıqlanıb. Apasport.az saytının məlumatına görə, Beynəlxalq Voleybol Federasiyası bu mötəbər turniri Türkiyəyə etibar edib.

8 komandanın qatılacağı yarış 2012-ci ilin may ayının 1-6-da İstanbul Burhan Fələk voleybol salonunda baş tutacaq. Analoji turnir Afina-2004 öncəsi Bakıda keçirilmişdi və Almaniya milli komandası çempion olaraq, Olimpiadaya yollanmaq şansı qazanmışdı.

Qeyd edək ki, Olimpiya Oyunlarında 12 ölkənin yığması iştirak edir. Bunlardan 1-i ev sahibi, 3-ü dünya çempionatının mükafatçıları və 5-i qitələr arası çempionatların qalibi olurlar. Digər 3 komanda isə təsnifat mərhələlərində müəyyənləşir. Çox güman ki, Azərbaycan yığması bu il Avropa çempionatında qalib olmasa da, təsnifat mərhələsinə qatılaraq Türkiyədə keçiriləcək son mərhələdə iştirak hüququ qazanacaq.

• CEV-in İdarə Heyətinin ilk iclası keçirilib
• Azərbaycan çempionatı: I dövrənin cütləri müəyyənləşib
• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"
• "Misli"dən voleybola böyük dəstək – AVF ilə müqavilə imzalandı