Basketbol üzrə kişilərdən ibarət Azərbaycan milli komandasının Avropa çempionatının B divizionunun II dövrəsi üçün hazırlıq planı müəyyənləşib. Apasport.az saytının məlumatına görə, Elxan Əliyevin yetirmələri hazırlığa mayın 28-dən başlayacaqlar.

Komanda öncə Zaqatala Olimpiya İdman Kompleksində 12 günlük təlim-məşq toplanışı keçəcək. Ardınca Bakıya dönəcək basketbolçularımız iyulun 15-21-də İstanbulda beynəlxalq turnirə qatılacaqlar. Millimiz burada Misir, Tunis, Filippin, Portuqaliya və İran yığmaları ilə gücünü yoxlayacaq.

Təlim-məşq toplanışı isə Portuqaliya və ya İordaniyada yekunlaşacaq. Bu barədə yekun qərar Türkiyədə qəbul olunacaq.

Qeyd edək ki, millimiz Avropa çempionatının B divizionunun ilk dövrəsindən sonra 7 xalla 3-cü pillədə qərarlaşıb. II dövrənin oyunları isə avqustun 6-da start götürəcək.

• “Azərreyl”dən uğurlu start
• CEV-in İdarə Heyətinin ilk iclası keçirilib
• Azərbaycan çempionatı: I dövrənin cütləri müəyyənləşib
• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"