Rusiya milli komandasının aparıcı voleybolçusu Yekaterina Qamova Azərbaycan Super Liqasının səviyyəsinin yüksək olması qənaətindədir. Apasport.az saytının məlumatına görə, o, bu barədə ölkəsində verdiyi müsahibəsində bildirib.

Qamovanın sözlərinə görə, keçmiş SSRİ-də Rusiya komandalarına qarşı yalnız 2 ölkə təmsilçisi müqavimət göstərə bilər: “Qadınların açıq çempionatında Rusiya komandalarına qarşı rəqabəti yalnız Azərbaycan və Qazaxıstan klubları apara bilərlər. Bizdə də voleybol inkişafdadır. Fikrimcə, ölkə çempionatında iştirakçıların sayının artmasına da ehtiyac yoxdur”.

Qeyd edək ki, son mövsümdə Kazan “Dinamo”su ilə Rusiya çempionu olan Qamova bu klubla müqaviləsini daha 2 il uzadıb.

• “Azərreyl”dən uğurlu start
• CEV-in İdarə Heyətinin ilk iclası keçirilib
• Azərbaycan çempionatı: I dövrənin cütləri müəyyənləşib
• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"