“İqtisadçı” voleybol klubunun kubalı legioner Yaima Ortis Rusiyaya qayıdıb. Apasport.az saytının məlumatına görə, ötən mövsümün ortasında “Omiçka”dan transfer olunan Afina-2004-ün bürünc mükafatçısı Moskva “Dinamo”su ilə müqavilə bağlayıb.

Super Liqada “İqtisadçı” ilə bürünc mükafat qazanan kubalı voleybolçu ruslarla 1 illik anlaşıb. Bu, onun karyerasında dördüncü Rusiya klubu olacaq. Belə ki, Ortis bunadək Moskvaətrafının “Dinamo”, Yekaterinburqun “Uraloçka” komandalarında oynayıb.

Qeyd edək ki, “İqtisadçı” bu voleybolçunu heyətində saxlamaqda maraqlı idi. Lakin görünür Yaima Rusiya klubunu universitet komandasından üstün tutub.

• “Azərreyl”dən uğurlu start
• CEV-in İdarə Heyətinin ilk iclası keçirilib
• Azərbaycan çempionatı: I dövrənin cütləri müəyyənləşib
• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"