Qadın həndbolçulardan ibarət Azərbaycan millisi Rusiyada məğlubiyyətləri sıralayır. Apasport.az saytının məlumatına görə, Rəfiqə Şabanovanın rəhbərlik etdiyi yığmamız Həştərxan şəhərində keçirilən “Xəzərətrafı Ölkələrin Kuboku” uğrunda turnirdə qarşılaşdığı ilk 2 rəqibinə uduzub.

Belə ki, öncə “Astraxanoçka” ilə üz-üzə gələn həndbolçularımız 5 top fərqi ilə məğlubiyyət acısı yaşayıblar – 31:36. Ardınca isə millimiz Avro-2012-nin seçmə mərhələsində rəqibimiz olacaq Belarus yığması ilə münasibətinə aydınlıq gətirib. Bu dəfə güclü tərəf rəqib olub. Belaruslular 36:27 hesabı ilə qələbə qazanıblar.

Rəfiqə Şabanovanın yetirmələri bu gün Rusiyanın gənclərdən ibarət yığması ilə qarşılaşacaq. Bu oyunda qələbə həmyerlilərimizi turnirdə sonuncu olmaqdan qurtara bilər. Çünki hər 2 komanda heç bir görüşdə qalib gələ bilməyib. Kubokun sahibinin adı isə Belarus - “Astraxanoçka” matçında müəyyənləşəcək.

Qeyd edək ki, Rusiyaya səfər Avropa çempionatının seçmə qrup oyunlarına hazırlıq məqsədi daşıyır. Olimpiya çempionumuz turnirə əsasən yerli və gənc həndbolçuları aparıb.

• “Azərreyl”dən uğurlu start
• CEV-in İdarə Heyətinin ilk iclası keçirilib
• Azərbaycan çempionatı: I dövrənin cütləri müəyyənləşib
• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"