İyunun 7-12-də voleybolçu qadınlar arasında dünyanın ən güclü turnirlərindən hesab olunan “Montreux Volley Masters” keçiriləcək. Apasport.az saytının məlumatına görə, 8 milli komandanın iştirak edəcəyi yarış Bakının “İqtisadçı” klubunun liberosu Yuko Sano üçün acı xatirə kimi yadda qalacaq.

Belə ki, son illər həmişə Yaponiya yığmasının heyətində yer alan Super Liqanın bürünc mükafatçısı bu dəfə düşərgəyə dəvət olunmayıb. Bu, bəlkə də martda “Gündoğar ölkə”nin məşqçisi Abo Kiyoşi Bakıda Sanonun məşqini izlədikdə hazırlığından razı qalmaması ilə də izah oluna bilər.

Qeyd edək ki, “Montreux Volley Masters”in A qrupunda ABŞ, Çin, Almaniya, Peru, B qrupunda isə Japoniya, İtaliya, Kuba və Hollandiya yığmaları yer alıblar.

• “Azərreyl”dən uğurlu start
• CEV-in İdarə Heyətinin ilk iclası keçirilib
• Azərbaycan çempionatı: I dövrənin cütləri müəyyənləşib
• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"