Çempionlar Liqasında mübarizə aparacaq Bakının “Rabitə” və “Azərreyl” voleybol komandalarının potensial rəqibləri müəyyənləşib. Apasport.az saytının məlumatına görə, Avropanın ən titullu klub yarışında 11 ölkədən 20 klub mübarizə aparacaq.

Belə ki, Çempionlar Liqasında yalnız 2 ölkə - İtaliya və Türkiyə 3 komanda ilə mübarizə aparacaq. Azərbaycan, Rusiya, Fransa, Almaniya və Polşa isə yarışa 2 klubla qatılacaq.

Çempionlar Liqasında yarışacaq komandalar bunlardır: “Rabitə”, “Azərreyl” (hər ikisi Azərbaycan), “Modranska” (Çexiya), “Kann”, “Myulhaus” (hər ikisi Fransa), “Şveriner”, “Drezdner” (hər ikisi Almaniya), “Foppapedretti”, “Villi Korteze”, “Skavolini” (hər üçü İtaliya), “Atom”, “Muşinyanka” (hər ikisi Polşa), “Konstanta” (Rumıniya), “Dinamo” (Kazan), “Dinamo” (Moskva, hər ikisi Rusiya), “Srvena Zvezda” (Serbiya), “Volero” (İsveçrə), “Fənərbaxça”, “VakıfGünəş TTelekom”, “Əczaçıbaşı” (hər üçü Türkiyə).

Bu klublardan 5-i - “Dinamo” (Kazan), “Şveriner”, “Drezdner”, “Konstanta” və “Atom” debütantdır.

Qeyd edək ki, son mövsümdə “Rabitə” Çempionlar Liqasının gümüş, “Azərreyl” isə “Çelenc Cup”ın qızıl mükafatçısıdır. Komandalarımızın rəqibləri iyulun 1-də müəyyənləşəcək.

• “Azərreyl”dən uğurlu start
• CEV-in İdarə Heyətinin ilk iclası keçirilib
• Azərbaycan çempionatı: I dövrənin cütləri müəyyənləşib
• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"