Bakının “İqtisadçı” voleybol klubu daha 2 legionerlə vidalaşıb. Apasport.az saytının məlumatına görə, universitet komandası finlandiyalı Riikka Lehtonen, kubalı Yaima Ortis, ispaniyalı Maria Fernandes və argentinalı Yael Kastilyonun ardından almaniyalı Katlin Ueiss və amerikalı Tayibu Xaneef-Parka da qapını göstərib.

Belə ki, yeni mövsüm CEV kubokunda yarışacaq “İqtisadçı” bu voleybolçularla müqaviləni uzatmamaq qərarına gəlib. Klub rəhbərliyi onların əvəzinə yeni legionerlər transfer etməyi planlaşdırır. Ötən ilki heyətdən isə yaponiyalı Yuko Sano, hollandiyalı Alisa Blom, xorvatiyalılar - İvana Milos və İliyana Duqandziçlə danışıqlar aparılır.

Qeyd edək ki, 200 sm boyu olan Xaneef-Park 2010/2011 mövsümündə Azərbaycan Super Liqasının ən hündürboylu voleybolçusu idi. Katlin Ueiss isə ölkə tarixinə ilk almaniyalı legioner kimi adını yazdırdı. Onlar başa çatan mövsümdə Super Liqada və “Çelenc Cup”da daima əsas heyətdə yer alıraq, komandanın bürünc mükafat qazanmasında böyük pay sahibi olmuşdular.

• “Azərreyl”dən uğurlu start
• CEV-in İdarə Heyətinin ilk iclası keçirilib
• Azərbaycan çempionatı: I dövrənin cütləri müəyyənləşib
• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"