Bakının “Azərreyl” voleybol klubu növbəti mövsüm üçün ilk transfer bombasını partladıb. Apasport.az saytının məlumatına görə, növbəti mövsümdə ölkəmizi Çempionlar Liqasında təmsil edəcək komanda 3 illik fasilədən sonra Azərbaycan yığmasının kapitanı Oksana Parxomenkonu yenidən transfer edib.

Son 2 mövsümü Moskva “Dinamo”sunda keçirən 27 yaşlı toppaylayıcı ilə 1 illik rəsmi müqavilə imzalanıb.

“Dəmiryolçular” Oksanadan öncə isə ötənilki heyətdən Azərbaycan yığmasının üzvləri – Valeriya Korotenko, Polina Rəhimova, Aynur Kərimova, Oksana Kiselyova, braziliyalı Paulino De Souza Pereyra, tailandlı Nutsara Tomkom və amerikalı Tamas Cenefferlə də növbəti mövsüm üçün razılıq əldə etmişdi.

Qeyd edək ki, Parxomenko 2001-2008-ci illərdə də “Azərreyl”in şərəfini qoruyub. O, 2008/2009 mövsümündə isə “Fənərbaxça”da forma geyinib.

• “Azərreyl”dən uğurlu start
• CEV-in İdarə Heyətinin ilk iclası keçirilib
• Azərbaycan çempionatı: I dövrənin cütləri müəyyənləşib
• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"