Azərbaycan milli komandasının voleybolçusu Kseniya Kovalenko karyerasının İtaliya A seriyasında davam etdirəcək. Apasport.az saytının məlumatına görə, Bakı “Lokomotiv”inin də danışıq apardığı həmyerlimiz artıq qərarını verib.

25 yaşlı voleybolçu “Kariparma Siqrade” ilə razılıq əldə edib. Kovalenko A seriyasına son mövsümdə yüksələn Parma təmsilçisi ilə 1 illik rəsmi müqaviləyə imza atıb.

Qeyd edək ki, hazırda Azərbaycan milli komandasının heyətində Qubada təlim-məşq toplanışında olan voleybolçu karyerası ərzində ilk dəfə legioner həyatı yaşayacaq. 2004-2009-cu illərdə “Azərreyl”in formasını geyinən Kseniya son 2 ildə “Lokomotiv”də çıxış edib.

• “Azərreyl”dən uğurlu start
• CEV-in İdarə Heyətinin ilk iclası keçirilib
• Azərbaycan çempionatı: I dövrənin cütləri müəyyənləşib
• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"