Kişi basketbolçulardan ibarət Azərbaycan yığması Türkiyədəki təlim-məşq toplanışını başa vurmaq üzrədir. Bu barədə apasport.az saytına Azərbaycan Basketbol Federasiyasının baş meneceri Levent Türknaz məlumat verib.

O bildirib ki, komanda iyulun 21-də vətənə dönəcək: "Burada normal hazırlıq keçdik. Yoxlama oyunlarında qüvvəmizi sınayıb, zəif-güclü tərəflərimizi müəyyənləşdirdik".

Türkiyə toplanışında əsas məqsəd Avropa çempionatının seçmə mərhələsinə hazırlaşmaq olub. Avqustun 12-də başlanacaq yarışlar üçün millimiz Bakıda daha bir hazırlıq prosesi təşkil edəcək: "Seçmə mərhələnin oyunları Sərhədçi İdman Kompleksində olacaq. Biz də hazırlığın növbəti mərhələsini "Sərhədçi"də keçirəcəyik".

• “Azərreyl”dən uğurlu start
• CEV-in İdarə Heyətinin ilk iclası keçirilib
• Azərbaycan çempionatı: I dövrənin cütləri müəyyənləşib
• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"