“Bakı” voleybol klubu növbəti transferini rəsmiləşdirib. Apasport.az saytının məlumatına görə, “Çelenc Cup”da debüt edəcək komandamız bu dəfə amerikalı Keti Katerlə rəsmi müqavilə imzalayıb.

1985-ci il təvəllüdlü voleybolçu ilə 1 illik anlaşma əldə edilib. Son mövsümü Türkiyə “Dicle Universiteti”ndə keçirən Kater 190 sm boya malikdir.

Qeyd edək ki, “Bakı” Ketidən öncə braziliyalılar - Renata Kolombo (Renatinya), Barboza Cibele, Alessandra Fratonini, hollandiyalılar - İnqrid Visser, Yannike van Tienen, amerikalı Reqan Hud və italiyalı Rafaella Kallonini rənglərinə bağlamışdı. Bundan əlavə, baş məşqçi postu Ancelo Vercesiyə (Braziliya) həvalə edilib.

• “Azərreyl”dən uğurlu start
• CEV-in İdarə Heyətinin ilk iclası keçirilib
• Azərbaycan çempionatı: I dövrənin cütləri müəyyənləşib
• Voleybol üzrə ölkə kubokunun 2024/25 mövsümünün püşkü atılıb
• Şahin Bağırov: "Çimərlik voleybolunun inkişafını prioritet məsələ kimi qarşımıza qoymuşuq"