Azərbaycan çempionunun potensial rəqibləri müəyyənləşdi

23.07.2011 - 13:33

Bakının qadınlardan ibarət ABU həndbol klubu növbəti mövsümdə “Çelenc Cup” turnirində mübarizə aparacaq. Apasport.az saytının məlumatına görə, Olimpiya çempionumuz Rəfiqə Şabanovanın çalışdırdığı komandanın rəqibləri iyulun 26-da müəyyənləşəcək.

Püşkatma mərasimi Avropa Həndbol Federasiyasının Avstriyanın paytaxtı Vyanada yerləşən mənzil-qərargahında baş tutacaq. İlkin olaraq, paytaxt komandasının 29 potensial rəqibinin adı dəqiqləşib.

ABU mübarizəyə III mərhələdən başlayacaq. Belə ki, ilk raunddan sonra II mərhələyə çıxan 8 komanda 2 qrupda mübarizə aparacaq və qrup qalibləri növbəti mərhələyə yüksələcək.

III mərhələdə isə komandalar evdə və səfərdə oynayacaqlar. Hər 2 görüşün nəticəsinə əsasən güclü klub 1/16 finala yüksələcək. Burada da onları daha 8 komanda gözləyir.

II mərhələ

1-ci səbət
“Kelçe” (Polşa)
“Alavarium” (Portuqaliya)

2-ci səbət
“Sokol Pisek” (Çexiya)
“Zelina” (Xorvatiya)

3-cü səbət
“Panetolikos” (Yunanıstan)
“Zrinjski Mostar” (Bosniya və Herseqovina)

4-cü səbət
“Drut Beliniçi” (Belarus)
“Olimpiya” (İngiltərə)

III mərhələ

1-ci səbət
“Lokomotiv” (Xorvatiya)
PAOK (Yunanıstan)
“Korovoqs” (İslandiya)
“Yellou Vintertur” (İsveçrə)
ZRK (Bosniya və Herseqovina)
“Viktoriya” (Belarus)
ABU (Azərbaycan)
“Dornbirn” (Avstriya)

2-ci səbət
“Femina” (Belçika)
“Eqle-Sviasa” (Litva)
FLH (Fransa)
“Anadolu Universiteti” (Türkiyə)
“Dnepryanka” (Ukrayna)
ZRK (Serbiya)
II mərhələnin qrup qalibləri

1/16 finalda gözləyənlər
“Banik” (Çexiya)
HAC (Fransa)
“Gevgelija” (Makedoniya)
AZS (Polşa)
“Yuve Lis” (Portuqaliya)
“Srvena Zvezda” (Serbiya)
“Muratpaşa Bələdiyyəsi” (Türkiyə)
“Podatkova Universiteti” (Ukrayna)