Litvada keçirilən basketbol üzrə avropa çempionatında böyük qalmaqal qeydə alınıb. Apasport.az saytının məlumatına görə, Yunanıstan milli komandasının nümayəndəsi Stavros Elliniadis hakimi almağa cəhd edib. O, Çernoqoriya ilə görüşün hakimi Roberto Lottermoserə rüşvət də təklif edib.

Almaniyalı isə yarışın baş hakiminə raport yazaraq olanlar haqda məlumat verib. Beynəlxalq Basketbol Assosiasiyası (FİBA) məsələni araşdırmağa başlayan kimi əl-ayağa düşən yunanlar bunun rüşvət faktı olmadığını, hakimə hədə-qorxu gəlindiyini ortaya qoyublar. Bu yolla Ellada təmsilçisi daha ağır cəzadan qaçıb və cəmi 15 min avro cərimələnib. Stavros isə Avrobasket-2011-in iştirakçıları arasında kənarlaşdırılıb.

Qeyd edək ki, yunanlar Çernoqoriyanı 71:55 hesabı ilə yenərək növbəti mərhələyə yüksəlib.

• Avropa Kuboku: “Azərreyl” 1/4 finalda Türkiyə təmsilçisi ilə qarşılaşacaq
• Avropa Kuboku: "Azərreyl" Fransa klubunu məğlub etdi
• “Azərreyl”dən uğurlu start
• CEV-in İdarə Heyətinin ilk iclası keçirilib
• Azərbaycan çempionatı: I dövrənin cütləri müəyyənləşib