“Azərbaycanlı voleybolçulara qarşı oynamaq mənim üçün maraqlı olacaq. Ötən mövsüm Super Liqada onlara rəqib olmuşam”. Apasport.az saytının məlumatına görə, bunu Hollandiya millisinin voleybolçusu Alisa Blom deyib.

“İqtisadçı”nın heyətində ötən mövsüm Azərbaycan Super Liqasının bürünc mükafatını qazanan voleybolçu Avropa çempionatının pley-off mərhələsində yığmamızla oyuna münasibət bildirib. O, bu gün baş tutacaq Hollandiya – Azərbaycan matçında Faiq Qarayevin yetirmələrini yüksək qiymətləndirib: “Onlara qarşı beynəlxalq səviyyədə oynamaq imkanım olmamışdı. Ancaq mən azərbaycanlılara qarşı oynadığımdan, onların potensialına yaxşı bələdəm. Bu komandada güclü oyunçular yer alıb. Biz Azərbaycan millisini mütləq qiymətləndirməliyik”.

Blom Azərbaycan voleybolundakı vəziyyəti də dəyərləndirib: “Orada böyük pullar mövcuddur. Azərbaycan voleybolu həqiqətən də inkişaf yolundadır. Növbəti mövsümdə Super Liqada həmyerlilərim çox olacaq. Yannike van Tienen, İnqrid Visser və Quinta Stenbergen karyeralarını bu ölkədə davam etdirəcəklər. Bütün bunlar əladır”

Qeyd edək ki, Hollandiya – Azərbaycan matçı saat 23:30-da başlayacaq.

• Avropa Kuboku: “Azərreyl” 1/4 finalda Türkiyə təmsilçisi ilə qarşılaşacaq
• Avropa Kuboku: "Azərreyl" Fransa klubunu məğlub etdi
• “Azərreyl”dən uğurlu start
• CEV-in İdarə Heyətinin ilk iclası keçirilib
• Azərbaycan çempionatı: I dövrənin cütləri müəyyənləşib