Qadın voleybolçulardan ibarət Azərbaycan milli komandasının Avropa çempionatında tutduğu yer müəyyənləşib. Apasport.az saytının məlumatına görə, Serbiya və İtaliyada keçirilən final mərhələsində pley-off oyunları başa çatdıqdan sonra 9-12-ci yerlərin sahiblərinin adlarına aydınlıq gəlib.

Mübarizəni bu mərhələdə dayandıran Faiq Qarayevin yetirmələri digər 3 uğursuzla müqayisədə daha yaxşı nəticəyə malik olduğundan 9-cu yerə layiq görülüb. Belə ki, yığmamız kimi pley-offa qrup üçüncüsü olaraq çıxan Fransa, İspaniya və Rumıniya milliləri də final mərhələsində keçirdiyi 4 qarşılaşmada cəmi 1 qələbə qazanıb. Amma voleybolçularımız set fərqində hər komandanı arxada qoya bilib.

9.	Azərbaycan	4	1	3	6-10	345-383	3
10.	Fransa	4	1	3	5-9	279-321	3
11.	İspaniya	4	1	3	4-9	275-307	3
12.	Rumıniya	4	1	3	4-9	256-285	3
13.	Xorvatiya	3	1	2	4-6	222-236	3
14.	Bolqarıstan	3	0	3	0-9	177-226	0
15.	Ukrayna	3	0	3	0-9	152-229	0
16.	İsrail	3	0	3	0-9	144-225	0

Bununla da Azərbaycan yığması Avropa çempionatları tarixində özünün ikinci nəticəsini göstərib. Belə ki, 4-cü dəfə final mərhələsinə qatılan komandamız yalnız 2005-ci ildə Xorvatiyada keçirilən analoji yarışda daha yaxşı nəticə göstərmişdi. Həmin vaxt voleybolçularımız 4-cü pilləni tutmuşdular. Növbəti 2 çempionatda isə Faiq Qarayevin yetirmələri həmin nəticədən çox-çox uzaq olmuşdu. 2007-ci ildə Belçika və Lüksemburqda və 2009-cu ildə isə Polşada baş tutan final mərhələlərində millimiz eyni nəticə göstərmişdi - 12-ci yer.

Qeyd edək ki, növbəti Avropa çempionatı 2013-cü ildə Almaniya və İsveçrə paytaxtları Berlin və Berndə keçiriləcək.

• Avropa Kuboku: “Azərreyl” 1/4 finalda Türkiyə təmsilçisi ilə qarşılaşacaq
• Avropa Kuboku: "Azərreyl" Fransa klubunu məğlub etdi
• “Azərreyl”dən uğurlu start
• CEV-in İdarə Heyətinin ilk iclası keçirilib
• Azərbaycan çempionatı: I dövrənin cütləri müəyyənləşib