Qadın voleybolçular arasında Qətərin paytaxtı Dohada keçirilən klublararası dünya çempionatında ilk finalçının adına aydınlıq gəlib. Apasport.az saytının məlumatına görə, bu Çempionlar Liqasının son qalibi “Vakıfbank Günəş TTelekom” (Türkiyə) komandasıdır.

Onlar yarımfinal matçında “Sollis Nestle”ni (Braziliya) 3:0 (25:19, 25:21, 25:19) hesabı ilə məğlub ediblər.

Qeyd edək ki, digər yarımfinal cütündə finala yüksəlmək uğrunda “Rabitə” (Azərbaycan) “Mirador”la (Dominikan Respublikası) mübarizə aparacaq. Bakı klubu qələbə qazanacağı halda, Çempionlar Liqasının həlledici görüşündəki məğlubiyyətin qisasını almaq üçün əla şans qazanacaq.

• Avropa Kuboku: “Azərreyl” 1/4 finalda Türkiyə təmsilçisi ilə qarşılaşacaq
• Avropa Kuboku: "Azərreyl" Fransa klubunu məğlub etdi
• “Azərreyl”dən uğurlu start
• CEV-in İdarə Heyətinin ilk iclası keçirilib
• Azərbaycan çempionatı: I dövrənin cütləri müəyyənləşib