Avropa çempionatında mübarizə aparan qadın həndbolçulardan ibarət Azərbaycan millisinin yer aldığı I qrupda II tura yekun vurulub. Apasport.az saytının məlumatına görə, Rəfiqə Şabanovanın 16:34 hesabı ilə Almaniya yığmasına uduzduğu turda Macarıstan da səfərdə Belarusa qalib gəlib.

Belə ki, ev sahibləri fasiləyə 14:12 hesabı ilə üstün yollanıblar. Lakin macarlar sensasiyaya imkan verməyiblər. Avropanın, həmçinin dünyada ən güclülərdən olan qonaqlar yekunda 28:25 hesabı ilə qalib gəliblər.

Beləliklə, 2 turdan sonra məğlubiyyət acısı yaşamayan Almaniya və Macarıstan həndbolçuları ilk 2 yerdə qərarlaşıblar. Azərbaycan yığması isə top fərqinə görə, Belarusdan da geri qalır və qrupda sonuncudur.

1. Almaniya	2	2	0	0	61-35	4
2. Macarıstan	2	2	0	0	69-44	4
3. Belarus	2	0	0	2	44-55	0
3. AZƏRBAYCAN	2	0	0	2	35-75	0

Qeyd edək ki, növbəti turun oyunları 2012-ci ildə keçiriləcək.

• Avropa Kuboku: “Azərreyl” 1/4 finalda Türkiyə təmsilçisi ilə qarşılaşacaq
• Avropa Kuboku: "Azərreyl" Fransa klubunu məğlub etdi
• “Azərreyl”dən uğurlu start
• CEV-in İdarə Heyətinin ilk iclası keçirilib
• Azərbaycan çempionatı: I dövrənin cütləri müəyyənləşib