Qadın voleybolçulardan ibarət Azərbaycan klublarının rəqibləri ölkə çempionatlarında növbəti matçlarını keçiriblər. Apasport.az saytının məlumatına görə, Çempionlar Liqasının qrup mərhələsində “Rabitə” ilə eyni qrupda yer alan “Drezdner” Almaniya Bundesliqasında “Aaxen”lə qarşılaşıb.

Onlar rəqiblərinə heç bir şans verməyərək, 3:0 (27:25, 25:19, 25:14) hesabı ilə qələbə qazanıblar.

“Azərreyl”in Çempionlar Liqasında üz-üzə gələcəyi “Tomis” isə xal itkisi ilə üzləşib. Onlar Rumıniya çempionatında “Stiinta”nın qonağı olublar və 1:3 (25:15, 20:25, 26:28, 20:25) hesabı ilə uduzublar. “Çelenc Cup”ın qalibinin qrup mərhələsindəki digər rəqibi “Foppapedretti” səfərdən “Sper Konegliano”nun daşını daş üstə qoymayıb. Berqamolular 3 xalı 3:0 (28:26, 25:14, 25:15) hesablı qələbə ilə əldə ediblər.

“İqtisadçı”nın CEV kubokunun 1/16 final mərhələsində qarşılaşacağı “Dinamo-Romprest” qələbəyə sevinib. Buxarest təmsilçisi “Tarqu Mureş”i 3:0 (25:10, 25:16, 25:20) hesabı ilə məğlub edib.

• Avropa Kuboku: “Azərreyl” 1/4 finalda Türkiyə təmsilçisi ilə qarşılaşacaq
• Avropa Kuboku: "Azərreyl" Fransa klubunu məğlub etdi
• “Azərreyl”dən uğurlu start
• CEV-in İdarə Heyətinin ilk iclası keçirilib
• Azərbaycan çempionatı: I dövrənin cütləri müəyyənləşib