İsveçrənin Bazel şəhərində qadın voleybolçular arasında beynəlxalq turnir keçiriləcək. Apasport.az məlumatına görə, dekabrın 27-29-da baş tutacaq ənənəvi yarışa Azərbaycan çempionu “Rabitə” də dəvət alıb.

Lakin Bakı klubunun Bazelə yollanacağına hələ tam aydınlıq gəlməyib. Onların “Top Volley İnternational”da iştirak edib-etməyəcəyinə Azərbaycan Super Liqasının təqvimi açıqlandıqdan sonra aydınlıq gələcək.

Turnirdə ümumilikdə 6 klub mübarizə aparacaq. “Top Volley İnternational”da İsveçrənin “Volero”, Braziliyanın “Unilever”, Fransanın “Kann” və Rusiyanın “Severstal” komandalarının iştirakı təsdiqlənib. 6-cı klubun adına isə bugünlərdə dəqiqləşəcək.

Qeyd edək ki, yarışın 2 qrupda keçirilməsi planlaşdırılır.

• Avropa Kuboku: “Azərreyl” 1/4 finalda Türkiyə təmsilçisi ilə qarşılaşacaq
• Avropa Kuboku: "Azərreyl" Fransa klubunu məğlub etdi
• “Azərreyl”dən uğurlu start
• CEV-in İdarə Heyətinin ilk iclası keçirilib
• Azərbaycan çempionatı: I dövrənin cütləri müəyyənləşib