Qadın voleybolçular arasında Azərbaycan Super Liqasının bürünc mükafatçısı müəyyənləşib. Apasport.az saytının məlumatına görə, 3-cü yerə final mərhələsinin son turunda “İqtisadçı”ya qalib gələn “Bakı” layiq görülüb.

Bu, 2 yaşlı paytaxtın eyni adlı təmsilçisinin ölkə çempionatında ilk uğurudur. Onlar ötən il pley-offa belə vəsiqə qazana bilməmişdilər və təsnifat mərhələsində yalnız “Şirvan”ı qabaqlamışdılar.

Cari mövsümdə isə “Çelenc Cup”ın finalına kimi irəliləyən “Bakı” “Rabitə” və “Lokomotiv”dən geri qalıb. Əvəzində onlar “İqtisadçı” və “Azərreyl” kimi komandalardan güclü olub.

Qeyd edək ki, “Bakı” avrokubokda “Lokomotiv”ə uduzmuşdu.

• Kəmalə Əsgərova U-18 Avropa çempionatının oyunlarına təyinat alıb
• Azərbaycanı avrokuboklarda 4 komanda təmsil edəcək
• Azərbaycanın qadın voleybolçulardan ibarət millisinin Avropa çempionatı üçün heyəti açıqlanıb
• “Möminə Xatun”dan yeni transfer
• Bakıda Avropa çempionatının kubokunun təqdimat mərasimi keçiriləcək