“Azərreyl” növbəti transferlərini reallaşdırıb. Apasport.az saytının məlumatına görə, “dəmiryolçular” Hollandiya yığmasından Debbi Stam, Polşa milli komandasından Milena Radeçkanın keçidini rəsmiləşdiriblər. Onların hər ikisi ilə 1 illik müqavilə imzalanıb.

Narıncı formanı 200 dəfədən artıq geyinən hollandiyalı ilə yığmasının kapitanı Radeçka Polşanın “Bank Fakro” klubundan transfer olunublar.

Bununla da yeni baş məşqçi Alessandro Çiappinin komandaya gətirdiyi voleybolçuların sayı (rəsmi) 5-ə, hollandiyalıların sayı 3-ə çatıb. Debbi və Milenadan öncə Amerika yığmasından Meqan Hodj, Hollandiya milli komandasından Manon Flier və Karolina Vensink kimi ulduzların “Azərreyl”ə keçidi həll olunmuşdu.

Qeyd edək ki, hələlik ötən mövsümkü heyətdən kimin qalacağı, kimin gedəcəyi tam olaraq açıqlanmayıb.

• Kəmalə Əsgərova U-18 Avropa çempionatının oyunlarına təyinat alıb
• Azərbaycanı avrokuboklarda 4 komanda təmsil edəcək
• Azərbaycanın qadın voleybolçulardan ibarət millisinin Avropa çempionatı üçün heyəti açıqlanıb
• “Möminə Xatun”dan yeni transfer
• Bakıda Avropa çempionatının kubokunun təqdimat mərasimi keçiriləcək