“Lokomotiv”lə yeni müqavilə imzalayacağı gözlənilən İvana Milos karyerasını Türkiyədə davam etdirəcək. Apasport.az saytının məlumatına görə, son 2 ili Azərbaycan Super Liqasında oynayan xorvatiyalı legioner Çempionlar Liqasında “Azərreyl”in rəqibi “Əczaçıbaşı” ilə anlaşıb.

O, İstanbul təmsilçisinin heyətində oynamağa qərara verib. Ölkəmizə gələn əcnəbilər arasında səviyyəlilərdən biri olan Milos yeni klubu ilə 1 illik müqaviləyə imza atıb.

Qeyd edək ki, 2010/2011 mövsümündə “İqtisadçı”da oynayan və onlarla Azərbaycan Super Liqasının bürünc mükafatını qazanan voleybolçu son mövsümü “Lokomotiv”in heyətində keçirib. O, “dəmiryolçular”la “Çelenc Cup”da qızıl, ölkə çempionatında gümüş medala sahib olub.

• Kəmalə Əsgərova U-18 Avropa çempionatının oyunlarına təyinat alıb
• Azərbaycanı avrokuboklarda 4 komanda təmsil edəcək
• Azərbaycanın qadın voleybolçulardan ibarət millisinin Avropa çempionatı üçün heyəti açıqlanıb
• “Möminə Xatun”dan yeni transfer
• Bakıda Avropa çempionatının kubokunun təqdimat mərasimi keçiriləcək