Qadın voleybolçular arasında Çempionlar Liqasının qrup mərhələsinin oyunlarına start verilib. Apasport.az saytının məlumatına görə, Azərbaycan komandalarından mübarizəyə öncə “Lokomotiv” başlayıb.

Qitənin ən nüfuzlu klub turnirdə debüt edən təmsilçimiz Serbiyada “Srvena Zvezda”nın qonağı olub.

İlk setdə asan qələbə qazanan “dəmiryolçular” ardından bu üstünlüyü əldən veriblər. Ardıcıl iki setdə meydan sahiblərinə uduzan komandamız sonda toparlanmağı bacarıb.

Əvvəlcə dördüncü seti qazanmaqla, hesabı bərabərləşdirən “Lokomotiv” ümidini tay-brekə saxlayıb.

Həlledici setdə də daha inamlı təsir bağışlayan təmsilçimiz rəqibini məğlub edib.

F qrupu
23 oktyabr

“SRVENA ZVEZDA” (SERBİYA) – “LOKOMOTİV” (AZƏRBAYCAN) - 2:3 (14:25; 27:25; 25:23; 17:25 )
Hakimlər: Sandro la Migela (İtaliya), Georgios Karampetsos (Yunanıstan)
Belqrad, Sumiçe İdman Kompleksi

• Kəmalə Əsgərova U-18 Avropa çempionatının oyunlarına təyinat alıb
• Azərbaycanı avrokuboklarda 4 komanda təmsil edəcək
• Azərbaycanın qadın voleybolçulardan ibarət millisinin Avropa çempionatı üçün heyəti açıqlanıb
• “Möminə Xatun”dan yeni transfer
• Bakıda Avropa çempionatının kubokunun təqdimat mərasimi keçiriləcək