16 yaşadək qızlar ibarət Azərbaycan milli komandası Şərqi Avropa Voleybol Zonaları Assosiasiyalarının (EEVZA) çempionatında ikinci oyununu keçirib. 

APA-nın məlumatına görə, Emin Əbilovun rəhbərlik etdiyi komanda Gürcüstanın paytaxtı Tbilisidə təşkil olunan yarışda ev sahibləri ilə üz-üzə gəlib. 

A qrupunda yer alan voleybolçularımız Ukraynanın ardınca gürcülərə də uduzublar. Rəqib 3:1 (29:27, 14:25, 20:25, 15:25) hesabı ilə qalib gəlib. 

Qrupun digər oyununda isə Rusiya Latviyanı 3:0 hesabı ilə məğlub edib. 

AVRO-2020-yə seçmə statusu da daşıyan çempionatında növbəti rəqibimiz Rusiya olacaq. Qrup lideri ilə matç noyabrın 26-da baş tutacaq.

B qrupunda isə Belarus, Estoniya, Litva və Polşa milliləri mübarizə aparırlar. Reqlamentə əsasən, qrup qalibləri finalda iştirak hüququ qazanacaqlar. İkinci yerin sahibləri isə bürünc medalçını müəyyənləşdirəcəklər.

Qeyd edək ki, A qrupunda Rusiyanın 9 (3 oyun), Ukrayna, Latviya (2) və Gürcüstanın (3) 3 xalı olduğu halda, Azərbaycan xal toplamayıb. 

• Azərbaycan çempionatında VI turun oyunları baş tutacaq
• "Neftçi" “Murov Az Terminal”la üz-üzə gələcək
• "Azərreyl" məğlub olub, "Abşeron"dan qələbə
• Azərbaycan çempionatında V turun oyunları keçiriləcək
• “Neftçi” qələbə qazanıb