“Bir çox idman növü ilə məşğul olmuşam. Topla əlaqəli olanlarda fenomenalam”. Bu sözlər “Los Anceles Qalaksi” klubunun hücmuçusu Zlatan İbrahimoviçə məxsusdu.

Apasport.az saytının ESPN-ə istinadən məlumatına görə, isveçli hücumçu Lebron Ceymsə və komandası “Los-Anceles Leykers”ə kömək etməyə hazır olduğunu bildirib: “Basketbolçu olsam, heç bir problemsiz Lebronla birlikdə oynayardım. Əgər yardımıma ehtiyacları varsa, indi də kömək edə bilərəm”.

İbrahimoviç həmçinin Lebronla arasında bənzərliklər olduğunu qeyd edib: “Etdiklərinə və onları yerinə yetirmə formasına görə o, möhtəşəm idmançıdı. Bunu özümdən bilirəm: iri olsam da, balaca ninja kimi hərəkət edirəm. O da eynisini edir”.

Qeyd edək ki, ulduz basketbolçu Lebron Ceyms yeni mövsümdən etibarən “Los-Anceles Leykers” forması geyəcək.

• Azərbaycan çempionatında növbəti turun proqramı açıqlanıb
• Azərbaycan çempionatında VI turun oyunları baş tutacaq
• "Neftçi" “Murov Az Terminal”la üz-üzə gələcək
• "Azərreyl" məğlub olub, "Abşeron"dan qələbə
• Azərbaycan çempionatında V turun oyunları keçiriləcək