Bu gün qar voleybolu üzrə Azərbaycan çempionatına start verilib.

Apasport.az xəbər verir ki, yarış kişilər və qadınlar arasında təşkil olunub.

İlk dəfə keçirilən çempionatda 4 qadın (“Azərreyl”, “Murov Az Terminal”, “Gəncə”, U-21), 4 kişi (“AAzərreyl”, “Murov Az Terminal”, “Gənclər”, U-21) komandası çempionluq uğrunda mübarizə aparır. “Şahdağ” Turizm Mərkəzində təşkil olunan yarışın ilk günü 8 oyun baş tutub. 

Sabah çempionatda 3-cü turun qarşılaşmalar ardınca isə final və üçüncü yer uğrunda oyunlar keçiriləcək. Final qarşılaşmalarından sonra qaliblərin mükafatlandırma mərasimi olacaq.

Qeyd edək ki, çempionat dairəvi sistem üzrə keçirilir. Yekun nəticəyə əsasən ilk iki pillənin sahibləri çempionluq, 3-4-cü yerləri tutacaq komandalar isə üçüncülük uğrunda oynayacaq.

Azərbaycan çempionatı
25 yanvar
Qadınlar
“Azərreyl” - U-21 - 2:0 (15:7, 15:4)
“Murov Az Terminal” - “Gəncə” - 2:0 (16:14, 15:13)
“Azərreyl” - “Murov Az Terminal” - 2:0 (15:10, 15:9)
“Gəncə” - U-21 - 2:1 (13:15, 15:12, 15:7)

Kişilər
“Azərreyl” - “Gənclər” - 2:0 (15:3, 15:6)
“Murov Az Terminal” - U-21 - 2:1 (15:7, 12:15, 15:6)
“Azərreyl” - “Murov Az Terminal” - 2:1 (9:15, 15:10, 15:11)
U-21 - “Gənclər” - 2:0 (15:6, 15:6)

• Azərbaycanda ilk dəfə qar voleybolu üzrə ölkə çempionatı keçiriləcək
• Cahangir Seyed: "Bu mövsüm çempionat daha güclüdür"
• Yüksək Liqa: “Azərreyl” məğlub oldu
• Kubalı voleybolçu "Azərreyl"də
• "Neftçi”nin baş məşqçisi: "Son oyunlarımız istədiyimiz kimi alınmadı"