Yeni yaradılan qadın voleybolçulardan ibarət “Abşeron” klubunun baş məşqçisinin adına aydınlıq gəlib. Apasport.az saytının məlumatına görə, Super Liqada debüt edəcək komanda Eldar Yusubova həvalə edilib.

Təcrübəli mütəxəssis “Abşeron”la 1 illik müqaviləyə imza atıb. Onunla növbəti mövsümlər üçün razılaşmanın müddətinin artırılacağı da istisna olunmur. “Rabitə” ilə 5 dəfə Azərbaycan çempionu olan Yusubovun qarşısına əsas məqsəd kimi gənc nəslin yetişdirilməsi vəzifəsi qoyulub. O, həmçinin komandasının uğurlu çıxışına cavabdehlik daşıyacaq.

Qeyd edək ki, Yusubov Azərbaycanın ən təcrübəli məşqçilərindən biri hesab olunub. 2007-2013-cü illərdə ölkəmizin ən titullu komandası “Rabitə”də məşqçi, 2013/2014 mövsümündə baş məşqçi işləyən çalışdırıcı bu komanda ilə klublararası dünya çempionatının qalibi, Çempionlar Liqasının 1 dəfə gümüş, 2 dəfə bürünc medalçısı olub. O, 2014/2015 mövsümündə “Telekom”da məşqçi və növbəti ildə baş məşqçi də işləyib. Yusubovun son iş yeri “Azəryol” olub. O, 2016/2017 mövsümündə bu komandaya Super Liqanın bürünc medalını qazandırıb. 

• Kəmalə Əsgərova U-18 Avropa çempionatının oyunlarına təyinat alıb
• Azərbaycanı avrokuboklarda 4 komanda təmsil edəcək
• Azərbaycanın qadın voleybolçulardan ibarət millisinin Avropa çempionatı üçün heyəti açıqlanıb
• “Möminə Xatun”dan yeni transfer
• Bakıda Avropa çempionatının kubokunun təqdimat mərasimi keçiriləcək