NBA komandalarından “Finiks Sans” yeni baş məşqçisinin adını açıqlayıb. Apasport.az-ın klubun saytına istinadən məlumatına görə, Arizona təmsilçisi İqor Kokoşkovla anlaşıb.

Kokoşkov Şimali Amerika xaricində doğulan və böyüyən ilk NBA məşqçisi kimi tarixə düşüb. Serbiyalı mütəxəssis “Los-Anceles Klippers”, “Detroyt Pistons”, “Finiks Sans”, “Klivlend Kavalyers”, “Orlando Mecik” və “Yuta Cazz” kimi NBA komandalarında köməkçi-məşqçi işləyib. Bununla yanaşı, Kokoşkov Gürcüstan və Sloveniya yığma komandalarını çalışdırıb.

O, 2004-cü ildə Lerri Braunun köməkçisi kimi “Detroyt Pistons”la NBA çempionluğu yaşayıb. Həmçinin İqor Kokoşkovun baş məşqçisi olduğu Sloveniya yığması 2017-ci ildə Avropa çempionatının qalibi olub.

• Azərbaycan çempionatında növbəti turun proqramı açıqlanıb
• Azərbaycan çempionatında VI turun oyunları baş tutacaq
• "Neftçi" “Murov Az Terminal”la üz-üzə gələcək
• "Azərreyl" məğlub olub, "Abşeron"dan qələbə
• Azərbaycan çempionatında V turun oyunları keçiriləcək