Qadın voleybolçular arasında İtaliya A seriyasında 1/4 final mərhələsinin III oyunlarına start verilib. Apasport.az saytının məlumatına görə, Azərbaycan millisinin üzvü Odina Bayramovanın şərəfini qoruyan “Firenze” də “Konegliano” ilə növbəti duelinə çıxıb.

Qarşılaşma təmsilçimizin komandası üçün uğursuz alınıb. “Firenze” 0:3 (24:26, 20:25, 17:25) hesabı ilə uduzub. Bayramovanın isə 7 zərbəsi komandasına xal gətirib.

Beləliklə, ardıcıl 2 məğlubiyyət alan “Firenze” A seriyasında yarımfinala yüksələ bilməyib.

Qeyd edək ki, komandalar ilk 2 matçda hərəyə 1 qələbə qazandığından 3-cü görüşə ehtiyac duyulub. Çünki A seriyasının reqlamentinə əsasən 2 dəfə rəqibini üstələyən tərəf mərhələ adlayır. 

• Kəmalə Əsgərova U-18 Avropa çempionatının oyunlarına təyinat alıb
• Azərbaycanı avrokuboklarda 4 komanda təmsil edəcək
• Azərbaycanın qadın voleybolçulardan ibarət millisinin Avropa çempionatı üçün heyəti açıqlanıb
• “Möminə Xatun”dan yeni transfer
• Bakıda Avropa çempionatının kubokunun təqdimat mərasimi keçiriləcək