Bu gün qadın voleybolçular arasında Yüksək Liqada XIX turun oyunları keçirilib.
Apasport.az xəbər verir ki, tura Gəncədə start verilib.
Şəhərin eyniadlı komandası çempionatın autsayderi UNEC-i sınağa çəkib. Gəncəlilər çətinlik çəkmədən 3:0 hesabı ilə qalib gəliblər.
Digər iki qarşılaşma GİN-in Voleybol Mərkəzində baş tutub. Öncə “Azərreyl” lider “Abşeron”a uduzub. "Milli Aviasiya Akademiyası" - “Murov Az Terminal” görüşü daha gərgin alınıb. Qalib 5 setin yekununda bəlli olub. “Murov Az Terminal” 3:2 hesabı ilə qalib gəlib.
Bu nəticələrdən sonra lider ən yaxın izləyicisi ilə xal fərqini 9-a yüksəldib.
Yüksək Liqa, XIX tur
9 aprel
14:00. UNEC – “Gəncə” - 0:3 (17:25, 14:25, 19:25)
16:00. “Azərreyl” – “Abşeron” - 0:3 (21:25, 15:25, 16:25)
18:00. “Milli Aviasiya Akademiyası” – “Murov Az Terminal” - 2:3 (21:25, 25:18, 25:27, 25:18, 12:15)
Oxşar xəbərlər
Ana səhifə
Bütün xəbərlər