Ötən mövsüm Azərbaycan II liqasının qalibi olan “Şahdağ Qusar” bütün futbolçularla müqaviləyə xitam verib.

Apasport.az xəbər verir ki, bu barədə klubun mətbuat xidməti məlumat yayıb.

Bildirilib ki, futbolçularla müqavilələrə xitam verilib: “Geridə qalan mövsümlər ərzində Şahdağın adını futbolumuzun zirvəsinə yazdırmaq üçün ortaya qoyduğunuz əzmkarlıq və fədakarlıq heç zaman unudulmayacaq. “Şahdağ Qusar” Futbol Klubu olaraq bütün futbolçu heyətinə təşəkkürlərimizi bildirir, gələcək karyeralarında uğurlar arzulayırıq”.

Bundan başqa, yeni futbol mövsümü ilə bağlı yaxın günlərdə məlumat veriləcəyi də vurğulanıb.

Qeyd edək ki, “Şahdağ Qusar” II liqada çempion olmaqla, I liqaya vəsiqə qazanmışdı.

• Ehtiram Quliyev: "Bütün Qərb bölgəsini təbrik edirəm" - VİDEO
• Rauf Əliyev: “Özümü şikəst etmək istəmədim, keyidici iynələr də artıq təsir etmirdi” - MÜSAHİBƏ
• MOK-un İcraiyyə Komitəsinin yeni tərkibdə növbəti iclası keçirilib
• Marko Rossi: “Azərbaycana qarşı oynamaq bizim üçün asan olmayacaq”
• “Atletiko” Qyökereş üçün danışıqlara başlayıb