Avrokuboklar tarixində ikinci dəfə Azərbaycan klubu “Böyük beşlik” təmsilçisinə qalib gəlib.

Apasport.az saytının məlumatına görə, bu dəfə də “qurban” Fransa komandası olub.

Avropa Liqasının qrupunda mübarizə aparan “Qarabağ” II turun Bakıdakı matçında “Nant”ı məğlub edib. Qurban Qurbanovun yetirmələri “sarı bülbüllər”i “oxumaq” məcburiyyətində qoyub – 3:0.

Bunadək Azərbaycan klubları yalnız bir dəfə “Böyük beşlik” komandası ilə “beşlik” oyun nümayiş etdirmişdi. 2016-cı ilin avqustunda “Qəbələ” Fransanın digər təmsilçisi “Lill”i yenib – 1:0. Bu dəfə Liqa1 təmsilçisinə daha ağır zərbə dəyib.

Qeyd edək ki, hələlik Almaniya, İngiltərə, İspaniya və İtaliya klubları üzərində qələbə əldə olunmayıb.
 

• İngiltərə Kuboku matçı stadionu su basdığı üçün təxirə salındı
• VI İslam Həmrəyliyi Oyunlarının açılış mərasimi başa çatıb - FOTO
• Barış Alper Yılmaz: "Bütün uğurlarımı Okan Buruka borcluyam"
• FIFA dünya çempionatında ofsayd qərarları üçün süni intellektdən istifadə edəcək
• "Monako" müdafiəçisini Niderland klubuna icarəyə verdi