“Qarabağ”ın gənc qapıçısı Sadiq Məmmədzadə bir müddət əvvəl Serbiyanın “İMT Belqrad” klubunda baxışda olub. Lakin o, məşqçilər  korpusu tərəfindən bəyənilməyib.

Apasport.az saytına daxil olan məlumata görə, yayda onun bu kluba keçidi böyük ehtimalla baş tutmayacaq. 

Buna səbəb isə serblərin Məmmədzadəyə irəli sürdüyü təklifin peşəkar müqavilə olmamasıdır. Belə ki, Superliqa klubu “Qarabağ”ın qolkiperinin əsas komandada deyil, U-19 komandasında oynamasını istəyir. Bundan başqa, ona normal maaş və şərait də yarada bilməyəcək.

Bu təklifdən sonra azərbaycanlı qolkiperin Belqrad təmsilçisinə keçəcəyi inandırıcı görünmür. Amma Serbiya klubu imkanları yaxşılaşdıracağı təqdirdə, Məmmədzadənin yayda A komandasında baxışa yollana biləcəyini gözləmək mümkündür. “İMT Belqrad”la yanaşı onun başqa klubların da maraq dairəsində olduğu iddia edilir. 

Qeyd edək ki, Sadiq “Səbail”in yetirməsidir və yayda “Qarabağ”a keçib.

• Kadi Borqes Braziliyaya yollana bilməməsinin səbəbini açıqladı
• Miloş Velebit: “Azərbaycanda planlarımızın pozulması səbəbindən nəticə çatışmırdı” - MÜSAHİBƏ
• Fred “Mançester Yunayted”dən ayrılacaq
• “Neftçi”nin əvəzediciləri 8 qolla qalib gəldi
• Birinci Liqa klubuna danışılmış oyunlarla bağlı seminar keçirilib