Türkiyənin Bolu şəhərində təlim-məşq toplanışında olan "Zirə" bu gün ikinci yoxlama görüşünü keçirib. 

Apasport.az saytının məlumatına görə, Premyer Liqanın bürünc mükafatçısı yerli komanda ilə üz-üzə gəlib. 

Rəşad Sadıqov yetirmələrini TFF I Liqa təmsilçisi “Eyüpspor”la matçda sınayıb. Görüş qolsuz bərabərliklə yekunlaşıb. 

Bununla “Zirə”nin Türkiyə toplanışı başa çatıb. Sabah Vətənə dönəcək komanda qardaş ölkədəki ilk sınaq görüşündə Rumıniya təmsilçisi “Hermanştadt”a 1:2 hesabı ilə məğlub olub.

Qeyd edək ki, “Zirə” bu mövsüm Azərbaycanı Konfrans Liqasında təmsil edəcək. Bakılılar II təsnifat mərhələsində Təl-Əviv “Makkabi”si (İsrail) ilə iyulun 21-də evdə, 28-də isə səfərdə qarşılaşacaq.

Yoxlama görüşü
6 iyul
18:00. “Zirə” – “Eyüpspor” (Türkiyə) - 0:0
Bolu
 

• "Borussiya" yarımmüdafiəçisi ilə yeni müqavilə imzalayıb
• "Qalatasaray"ın futbolçusunun vurduğu qol ÇL-də mövsümün ən yaxşısı seçildi - VİDEO
• Elcan Hacıyev 6-cı pillədə
• Millimizin üzvü Ekstraklasanın rəmzi komandasına düşüb
• George Anton: "Zirə" ilə müqayisədə “Şerif”in avrokuboklarda böyük təcrübəsi var" - Müsahibə